بسم الله الرحمن الرحيم
1- تختار الForm المناسبه و font مناسب
2- تعمل وحده انجلش ووحده عربي
3- بساطه في الكتابه وبلاش زحمه
4- متحطش صورتك الا عند الطلب وتكون صوره محترمه formal
5- متعملش Frame لc.v
6- الC.V مش بعدد الصفحات كده كده اكتر من نصه مش بيتقري
7- لو اتعلمت كورس من غير شهاده اكتب قصاده Self study
8- لو ليك نشاط في الكليه اكتبه
9- خلي بالك من الاخطاء اللغويه و بالذات الحروف ال capital
10- اكتب كل البيانات وكل الكورسات حتي لو مش معاك شهاده
11- متحطش رقم التليفون البيت في الC.V هات رقم تليفون خاص بالشغل فقط
------------------------------------------
ازاي ابعت ال C.V
1- ابعت ال File بدي اف مش ورد ومتروحش تضغط الملف وتبعته هم مش فاضيين يقعدو يفتحه الملفات المضغوطه فيه كام الف غيرك
2- ابعت من الاميل بتاعك فقط متروحش تبعت من اميل صحبك ولا اختك ولا اي حد غيرك
3- اسم الاميل يكون Formal
4- متنساش تعمل Attachment للفايل وخلي بالك ان اسم الفايل بيظهر يعني تكتب الفايل من بره باسمك
5- متنساش تكتب كود او اسم الوظيفه في خانه ال Subject
6- لم تيجي تبعت تبعت لا اكثر من شركه متستخدمش خانه ال CC واستخدم خانه BCC ليه بقي علشان حضرتك لو بعت لكذا شركه علي الخانه الاولي CC بيظهر لكل الشركات انك باعت لكذا شركه تانيه
7- الاميل اللي هتبعت فيه ال CV مينفعش يبقى فاضي كده ف هتكتب فيه cover letter و هقولك تكتبه ازاي تحت عشان متوهش
8- نصيحه من الافضل الافضل الافضل ان لما تبعت السي في بتاعك روح سلمه في الشركه بايدك هيفرق جدا جدا جدا معاك وممكن تتقبل من وسط 5 الاف واحد باعت عن طريق الاميل
* في اخر البوست فيه نموذج CV
-----------------------------------------------------
ازاي اكتب Cover Letter
اولا .. هو يعني ايه Cover Letter اصلا
ال Cover Letter ده هو زتونة ال CV اللي هتجذب اللي هيعينك ليه . هي الكلمتين الحلوين اللي بيتحطوا مع ال CV عشان اللي بيقرا الايميل يتحمس يفتح ال CV بتاعك اصلا .
اولا: يفضل تكون عارف اسم الشخص اللي بتبعتله الايميل ولو معرفتش تكتب Dear Sir / Madam. اكيد لو عارفين اسمه مش هنكتب Hi . Hello : .. هتكون برضة Dear Mr Karem.
تاني فقرة بتعرف نفسك اسمك و الكلية اللي متخرج منها ولو فيه حاجة مهمة جدا درستها زي دبلومة في المجال اللي مقدم فيه مثلا و ساعات بتدمج الفقرة دي بالفقرة التالتة
تالت فقرة بتكون بتبين فيها انك مهتم بالوظيفة اللي انت شوفتها في المكان الفلاني سواء في اعلان او من حد او ايان كان مثلا " I’m interested in the position of Lead Blogger you recently posted. "
نيجي بقي للمهم .. خير الكلام ما قل ودل . من اول الفقرة الرابعة وانت بتعمل اغراء .. بتبين كل مميزاتك و كل الصفات و المهارات اللي متوافقة مع الشغل اللي مقدم عليه . يعني مثلا متبقاش مقدم علي وظيفة مهندس بترول و تقوله انا كويس في ال Photoshop .. اختصر كل مهاراتك و انجازاتك في نفس المجال ان وجدت و اكتبها في الفقرة دي
في معظم الوظائف بيكون مكتوب The Required Qualification , Skills . وضح و ركز علي ال Skills دي و انت بتقول مميزاتك و ادي براهين عليها .. وكل ده و انت بتختصر علي قد ما تقدر و خليك منظم
لو مطلوب منك اي امثلة علي شغلك .. ارفعها مع شغلك و اتاكد انها شغالة قبل ما تبعت
اوعي طبعا تنسي تبعت الCV .. وممكن تكتب رقم تليفونك في الرسالة برضة عشان يكون التواصل اسهل
راجع اخطائك الاملائية والقواعد النحوية و ده موقع ممكن يسهل عليك الموضوع ده http://www.polishmywriting.com/
اخيرا بتختم الرسالة بالطريقة اللي تحبها طبعا بس بتوضح فيها انك متفرغ للانترفيو لو اتقبلت في اي وقت .. بتكتب في الاخر خالص في سطر لوحده Sincerely و تحتها اسمك و خلاص
الاسلوب مهم جدا و ال cover letter ياما هيرفعك السما ياما هيجيبك الارض .. ممكن تشوفوا امثلة كتير ليها علي Google
بالتوفيق ان شاء الله
تعليقات
إرسال تعليق