مساء الفل و ازيكم يا مهندسين ⚘⚘
منورين الصفحة و الجروب والله 😄
حد خد باله من الخاصية الجديدة في الفيسبوك الخاصة بالوظايف اسمها jobs ؟!!
تقريباً فيسبوك اي حاجة لازم يدخل فيها و مش ناوي يسيب حاجة لحد و دلوقتي فيسبوك قرر يرخم على لينكيد و دخل على الوظايف و عمل خاصية تعتبر حلوة بما انها لسه جديدة
لو دوست على ال ٣ شرط اللي فوق على اليمين بينزلوا قايمة هتلاقي فيها jobs جمبها ايقونة شبه دي 💼
الموضوع بسيط و سهل هتدوس عليها و الصفحة اللي هتطلع هتبحث فيها مرة بكلمة Engineer و مرة بكلمة مهندس و بعد ما تعمل البحثين هتطلع فوق هتلاقي tab مكتوب عليه alerts هتشغل الاشعارات و هتشغل انه يبعتلك اشعار لما تنزل وظيفة مهندس او Engineer
و بعدين هترجع تاني لصفحة jobs هتلاقي tab مكتوب فيه مكانك و اقصى مسافة عن مكانك بيظهرلك البحث فيها
هتدوس على ال tab ده و تخلي المسافة 200 كم
و كل ما شركة تنزل وظيفة في حدود ٢٠٠ كم من مكانك مكتوب فيها مهندس او Engineer هيجيلك اشعار بيها
ده مثال لوظيفة مهندس ميكانيكا من facebook jobs
https://m.facebook.com/story.php?story_fbid=1746186228823404&id=637325666376138
في شرح بالصور تحت شوفوه و جربوها و قولولنا رأيكم فيها ✋🏾✋🏾
و ربنا يوفقكم 💙
تعليقات
إرسال تعليق