ازيكم يا مهندسين و عاملين ايه يا مهندسات ؟
يا رب تكونوا بخير ❤زي ما علمناكم تستخدموا لينكيد ان في البحث عن وظايف
و علمناكم تستخدموا facebook jobs
المرة دي هنعلمكم تشغلوا خاصية Google jobs alert
هي اسمها الرسمي مش كده بس احنا مش عارفين اسمها الرسمي فسميناها كده 😄
هي بتبعتلك تنبيه لما تنزل وظيفة انت محددها على اي موقع وظايف
ندخل في الموضوع على طول ؛
١- ابحث بكلمة مهندس في جوجل عادي جدا كأنك بتبحث عن اي حاجة هيطلعلكم الصفحة دي دوس على العلوم و الهندسة
٢- بعد ما تدوس هيطلعلك خيارات البحث عشان تظبطها زي ما انت عايز زي الصور دي
-هتسيب العلوم و الهندسة زي ما هي لو انت مهندس و لو مش مهندس اختار اللي انت عايزه
و بكده يتبعتلك ايميل كل ما وظيفة تنزل شبه خيارات البحث اللي ظبطها
٣-⚠️⚠️⚠️هتعمل الخطوات دي مرتين مرة بكلمة مهندس و مرة بكلمة engineer عشان يجبلك الاعلانات بالعربي و الانجليزي
و لو ليك مسمى وظيفي تاني زي معماري مثلا ابحث بيه و اعمل نفس الخطوات و جربوا و قولولنا رايكم
ربنا يوفقكم❤❤
تعليقات
إرسال تعليق