بسم الله الرحمن الرحيم
#be_linkedin
The last episod
The choosen post
Epic post
It deserves its own soundtrack 😂
سيبكم من الافورة اللي فوق دي 😄
ده اخر و اهم جزء عن لينكيد ان هنتكلم فيه عن ال search bar اللي هو اهم حاجة في كل ال Social Media Sites مش في لينكيد ان بس
بس قبل ما نتكلم اللي ميعرفش اوي في لينكيد ان او ميعرفوش و لا سمع عنه خالص يقرأ الجزئين دول الاول هيفيدوه
الجزء الاول;
https://waza2ef-mohandseen.blogspot.com/p/linkedin.html?m=1
الجزء التاني؛
https://waza2ef-mohandseen.blogspot.com/p/linkedin_23.html?m=1
الجزء الثالث؛
في موضوع النهاردة هنتكلم عن حاجة مهمة جدا و سهلة جدا بس كتير ميعرفهاش او مش واخد باله منها و هي ال search bar
ده ممكن يوريك اعلانات مشوفتهاش قبل كده و في اماكن كويسة جدا و ممكن حتى تسافر عن طريقه
انا مدني اتخرجت ٢٠١٤ و دخلت جيش و خرجت و طبعا زي اي واحد محتاج اشتغل عشان اخد خبرة بس محدش عايز حديثي تخرج الازمة اللي بتواجهنا كلنا لما نتخرج بس الحمد لله لأني كنت متعود على ال Search عن اي حاجة و كويس في البحث على الانترنت عموما في خلال شهرين حضرت ٦ انترفيو و اشتغلت على طول و ده كان عن طريق ال search bar في كل ال social sites و بالاخص لينكيد ان و بعده فيسبوك
و ده كمان كان سبب في اني اعمل ال page دي لاني كنت بوصل يوميا لاعلانات كتير جدا و مش بتتشاف فعملت ال page دي و تقريبا سنة كاملة كنت ادمن لوحدي فيها بنزل كل الاعلانات لو في حد متابعنا من ٣ سنين انما الحمد لله احنا دلوقتي ٧ ما شاء الله 😂😂
ندخل في الكلام المهم 😄
هديكم مثل بالصور بالطريقة اللي بستخدم بيها ال search bar لأني خريج مدني هدي مثل لمهندسين مدني و باقي الاقسام هيطبقوه باختلاف ال key words اللي هكتبها
ال key words هي اهم حاجة في البحث و دي ال keywords اللي ببحث بيها عن شغل لمهندس مدني ركزوا فيها و ممكن تضيفوا عليها او تعدلوا فيها حسب رغبتكم و قسمكم و اماكنكم;
١-مطلوب مهندس مدني
٢-مطلوب مهندس انشائي
٣-civil engineer needed egypt
٤-civil engineer needed cairo
٥-civil engineer needed giza
٦-structural engineer needed
٧-structural engineer egypt
٨-structural engineer cairo
٩-structural engineer giza
١٠ -مطلوب مهندس موقع
١١-مطلوب مهندس مكتب فني
١٢- site engineer egypt or cairo or giza
١٣- technical office engineer egypt or cairo or giza
١٤-مطلوب مهندس تخطيط او ادارة او تسعير او عقود
١٥- planner or plannig engineer or cost estimation engineer or scheduler or schedualing engineer egypt or giza or cairo
و في تاني كتير الفكرة هنا في ان كل ما خيالك كان اوسع و طلعت keywords اكتر تمشي معاك و مع مكانك و مع قسمك و شغلك كل ما هيبقى متاح قدامك اعلانات اكتر
طبعا لو حد من اسكندرية و عايز يشتغل في اسكندرية هيخلي القاهرة بدالها اسكندرية
لو حد عايز الامارات مثلا بدل مصر يكتب uae او dubai او اي مكان هو عايز يبحث فيه بدل egypt
لو مهندس كهربا يغير مدني و يخليها كهربا
انا بديكم مثل مش اكتر و الباقي عليكم
في كل مرة هتجرب فيها keyword هتلاقي اعلانات مختلفة عن اي keyword تانية
و هاخدلكم screen shots لبحث بجملة civil engineer cairo و كل صورة مشروحة بالظبط عشان لو حد تاه منه حاجة في الرغي المكتوب ده كله 😄
و اي حد عنده مشكلة يبعتلنا او يكتبها في كومنت و ان شاء الله هنحلهاله
و لو جربتم الموضوع و عجبكم منشنه اصدقائكم فيه او خدوه شير او كوبي عادي
و ربنا يوفقكم و يوفقنا ⚘⚘💙💙
.............................................................................................
و بعد ما تخلص jobs ترجع تدوس على Content
بعد ما تخلص هتدوس على ال علامة ال filters اللي عليها سهم فوق
هتجيلك الصفحة دي
مرة هتجرب تختار top match
و تشوف نتايج البحث الجديدة و تدور على المناسب ليك
و بعد كده هترجع تختار latest
و تشوف النتايج الجديدة
و كده تكون جربت keyword واحدة بس و هتعمل كده مع كل ال keywords اللي حضرتها و ان شاء الله في كل بحث هتلاقي نتايج مختلفة و فرص اكتر
تعليقات
إرسال تعليق