مساء الفل يا بشمهندسين و كل سنة و انتم طيبين⚘
النهاردة هنعرضلكم the linkedin saga الجزء التاني زي ما وعدناكم
قبل ما نرغي و نصدعكوا ده لينك الجزء الاول لو حد مش فاهم احنا بنتكلم عن ايه 😁
https://waza2ef-mohandseen.blogspot.com/p/linkedin.html
اول جزء اتكلمنا ازاي تعمل اكونت و تضيف الناس على اساس ايه و شكل الاكونت يبقى عامل ازاي و النهاردة هنتكلم عن ازاي تستخدم لينكيد ان زي ما كل الناس في بتستخدمه
الطريقة العادية في الاستخدام و البوست الجاي هيبقى ازاي تبحث عن وظيفة تناسبك عليه و زي ما قولت قبل كده الناس الكويسة في لينكد ان يستنوا البوست التالت بس.
اول حاجة عايز انبهكم ليها هي انك اي اعلان تشوفه لو مش مناسب متبعتش و خلاص
حط نفسك مكان ال hr صاحب الميل و كل شوبة تفتح ميل ملوش لازمة بالنسبة لك و قولي رد فعلك هيبقى ايه غير بلوك لصاحب الميل 😃
بلاش اي ميل قدامك تبعت عليه و خلاص خصوصا لو اميل شخص معين جوة الشركة مش الايميل العام للشركة
يعني مثلا ده ايميل عام؛
Careers@wazayef-mohandseen.com
و ده ايميل خاص ؛
Hr.eslam@wazayef-mohandseen.com
و في تنبيه كمان ان لينكيد ان مش زي فيسبوك
بلاش بوستات دينية و لا سياسية و لا كوميكس و لا اي حاجة ملهاش علاقة بالشغل عشان فعلا دي بقت ازمة في لينكيد ان بسبب العرب عموما
.............................................................................................
الجزء الثاني؛
نتكلم في المهم 😃😃
اول حاجة هتجهز قايمة بكل الشركات المالتي ناشيونال و الشركات الكبيرة و المتوسطة في مصر في مجالك و تبحث عنها شركة شركة جوة الموقع و تعملها follow
و كمان هتدوس على كلمة jobs جنب follow هتلاقي الوظايف المتاحة حاليا فيها و حاططلكم صور كمثال بشركة اوراسكم
التقديم في الوظايف دي ممكن يكون ببروفايل لينكيد ان نفسه(عشان كده الشكل مهم) و ممكن يكون عن طريق ابليكشن في موقع الشركة في الحالتين هتدوس على الوظيفة المناسبة ليك و تمشي على الخطوات
و في ابليكشن لينكيد ان عاملاه للوظايف دي بس اسمه linkedin job search
ده اللينك بتاعه و هشرحهولكو في البوست التالت
https://play.google.com/store/apps/details?id=com.linkedin.android.jobs.jobseeker
عموما الاعلانات دي مش كتير بس احنا اتفقنا اننا هناخد بالاسباب كلها (مش كده و لا ايه *بصوت احمد الطيب*)
تاني حاجة نفس قايمة الشركات دي هتبحث في ال search bar عن ال hr بتوعها كمثال باوراسكوم برضو هتكتب في ال search bar
Hr orascom بس كده والله😂
هتعمل follow او connect ليهم لان مش كل اعلانات الشركة بتنزل على صفحة الشركة
ممكن يبقى مدير مشروع طالب مهندس الموضوع بيبقى في ايد hr واحد مش في الشركة كلها
تالت حاجة و دي مهمة جدا ⚠️⚠️
هتلاقي في كل اعلان نازل ناس كاتبة interested ملكش دعوة بيهم و اوعى تعمل زيهم في يوم من الايام 😂😂
محدش هيفتح البروفايل بتاعك عشان كاتب interested
و لو حبكت اوي و عايز تعلق على الاعلان ممكن تعلق بسؤال بالانجليزي يكون مش واضح في الاعلان زي مثلا انك تسأل على مكان الشغل بس طبعا لازم يبقى انجليزي مفيش فيه غلطة
رابع حاجة و دي اهم حاجة في الموضوع احنا سهلنالكم كل اللي فوق ده و عملنالكم قايمة باسامي الشركات و صفحاتها و ال hr بتوعها و كل اللي عليك تعملهم فولو بس 🙂
هتلاقوها في اللينك ده
https://waza2ef-mohandseen.blogspot.com/p/hr-linkedin.html?m=1
كل الكلام ده سهل و مفيش فيه مشاكل بس في ناس مبتاخدش بالها منه فاعملوه ( حاطين ليكم مثال بالصور )
و ان شاء الله الجزء التالت هيبقى مهم جدا كل ده تمهيد ليه
ربنا يوفقكم و يوفقنا ⚘⚘⚘
هتعمل كده مع كل الشركات الكبيرة و كل وظيفة تناسبك قدم فيها
بالظبط مش محتاج لا تبعت ميل و لا تكتب cv
تعليقات
إرسال تعليق